Дәүләт Советы Татарстан бюджет кытлыгын 30,9 млрд сумга кадәр арттыруны хуплады
Татарстан Дәүләт Советының чираттагы утырышында депутатлар беренче һәм өченче укылышта 2026 елга һәм 2027, 2028 елларның планлы чорына Татарстан бюджеты параметрларын үзгәртүне хуплады.
2026 елда Татарстан бюджеты кытлыгы 13,8 млрд сумнан 30,9 млрд сумга кадәр артачак. “2026 елда Татарстан бюджеты керемнәренең гомуми күләме 600,9 млрд сум тәшкил итәчәк дип фаразлана. Чыгымнар – 631,8 млрд сум. Бюджет кытлыгы – 30,9 млрд сум. Ул финанслау чыганаклары белән тәэмин ителгән”, – диде Татарстан финанс министры Марат Фәйзрахманов. Доклад нигезендә, төбәк бюджетының керем өлеше 48,7 миллиард сумга, салым һәм салым булмаган керемнәр – 37,2 миллиард сумга, факттагы үтәлешне исәпкә алып, кире кайтарылмый торган керемнәр – 11,5 миллиард сумга арттырылган.